影片
更多
2021-09-12
45 浏览
白沙灣THE PIER出左名有靚景, 今次黎STAYCATION, 梗係要BOOK埋餐廳個OMAKASE好好慶祝下。餐廳一樣對住白沙灣無敵大海景, 建議大家趁未天黑哂之前就黎個EARLY DINNER, 咁就可以睇到最靚既景色。餐廳有BAR枱之外仲有半開放式箱房, 中意同師傅互動又得, 中意私人空間亦得。餐廳既其一特別之處係所有食用水都用上白神山地之水, 雖然我都飲唔出有咩分別, 但係成個感覺UPGRADE哂。今晚揀左SET A既廚師發辦, 包括前菜3點, 旬之刺身5點, 炸物, 時令壽司7貫, 湯及甜品。前菜賣相精緻, 擺盤用心, 店員亦會提醒進食先後次序, 十分專業。特別喜歡其中既磯煮鮑魚同大蝦, 鮮味可口, 前菜已留下好印象。旬之刺身5點要數最喜歡一定係大拖羅同埋岩蠔, 厚切拖羅入口即溶, 油脂豐富得滿口魚香。岩蠔有手掌咁大隻, 蠔身肥美厚身, 入口一刻滑溜, 鮮甜與海水味並重, 超愛。炸物為竹籤魚以及日本甜薯, 魚卷內係菇, 配搭新穎又非常夾。店員特別提到甜薯採用先蒸後炸既方式去營造溏心效果, 入口真係比平時食既口感同味道都更勝一籌, 驚嘆咁簡單既食材都可以做得咁好味!壽司全部
餐廳有BAR枱之外仲有半開放式箱房, 中意同師傅互動又得, 中意私人空間亦得。餐廳既其一特別之處係所有食用水都用上白神山地之水, 雖然我都飲唔出有咩分別, 但係成個感覺UPGRADE哂。
今晚揀左SET A既廚師發辦, 包括前菜3點, 旬之刺身5點, 炸物, 時令壽司7貫, 湯及甜品。
前菜賣相精緻, 擺盤用心, 店員亦會提醒進食先後次序, 十分專業。特別喜歡其中既磯煮鮑魚同大蝦, 鮮味可口, 前菜已留下好印象。
旬之刺身5點要數最喜歡一定係大拖羅同埋岩蠔, 厚切拖羅入口即溶, 油脂豐富得滿口魚香。岩蠔有手掌咁大隻, 蠔身肥美厚身, 入口一刻滑溜, 鮮甜與海水味並重, 超愛。
炸物為竹籤魚以及日本甜薯, 魚卷內係菇, 配搭新穎又非常夾。店員特別提到甜薯採用先蒸後炸既方式去營造溏心效果, 入口真係比平時食既口感同味道都更勝一籌, 驚嘆咁簡單既食材都可以做得咁好味!
壽司全部同上最新鮮優質食材, 無論白身魚, 紅身魚, 貝類都冇得彈, 北海道海膽更加係頂級咁鮮甜。
班魚同海帶熬出黎既湯清澈鮮味, 並冇加好多調味同配料都可以如此鮮甜, 可見食材既質素。
甜品亦一D都唔馬虎, 眼看平平無奇, 入口係超濃郁豆乳味, 口感綿滑, 有驚喜, 最後食埋夕張蜜瓜, 甜度好高, 咬落去立即爆汁, 又係質素勝於一切!
依餐OMAKASE十分值得, 店員SERVICE有禮專業, 食材高質, 每一道菜都見到師傅既用心, 絕對值得回頭!
张贴
