影片
更多
2023-10-23
46 浏览
早幾日同男朋友放工去青衣食晚餐，比我發現左間超有feel 既台式餐廳！離遠已經見到好多燈籠同舊式台灣設計，仲有打卡位～落單點左成枱野食野飲，飽到差啲食吾哂，但竟然埋單兩舊水⋯仲要無加一服務費！質素仲要係有水準B級美食，真係抵到爛左！！酥炸花枝丸：又脆又夠惹味，炸完大大粒，完全係台灣夜市水準！椒鹽雞軟骨：炸得超香脆，椒鹽調味剛剛好，開始左就一啖接一啖停吾到！鮮油咖映多士：外酥內軟既多士，搭配香濃的咖映醬，加上厚到有罪惡感既牛油，每一啖都係滿足！！砂煲肉骨茶配白飯：見好多人嗌～熱辣辣濃郁既湯底，煮住嫩滑既肉骨。邊食肉邊食夜市小食，配飯一流！馬來西亞拉茶：意想不到既香濃氣味，絕對係足料無溝多水！跟餐都只係加5蚊，望到在場人士枱面都至少有一杯！手打蜂蜜檸檬紅茶：大大杯，極重勁香茶味！媲美得上外面4,50蚊既手搖，絕對係解膩又清新～
酥炸花枝丸：又脆又夠惹味，炸完大大粒，完全係台灣夜市水準！
椒鹽雞軟骨：炸得超香脆，椒鹽調味剛剛好，開始左就一啖接一啖停吾到！
鮮油咖映多士：外酥內軟既多士，搭配香濃的咖映醬，加上厚到有罪惡感既牛油，每一啖都係滿足！！
砂煲肉骨茶配白飯：見好多人嗌～熱辣辣濃郁既湯底，煮住嫩滑既肉骨。邊食肉邊食夜市小食，配飯一流！
馬來西亞拉茶：意想不到既香濃氣味，絕對係足料無溝多水！跟餐都只係加5蚊，望到在場人士枱面都至少有一杯！
手打蜂蜜檸檬紅茶：大大杯，極重勁香茶味！媲美得上外面4,50蚊既手搖，絕對係解膩又清新～
张贴
