意日菜 (已結業)

放左學去左呢度食午餐，睇下個餐牌有咩食。即刻有個店員介紹食物，我見有飲品都唔使加錢，就入黎試下啦。呢度焗野比較好食，但我又唔多想食。就試下個牛扒餐，三十蚊唔算太貴啦。餐湯我飲既係紅湯，因為我唔想飲充滿麵粉既白湯。個湯都唔算太濃味，但對我來講都算係咁啦。唔係特別好飲，又唔係特別難飲。黑椒牛扒配薯角牛扒既份量都幾多，雖然呢只係薄牛扒。但味道都可以既，都有肉味同肉質都好淋。黑椒汁就唔算太濃既，而薯角就值得一讚。因為新鮮熱辣炸好既，薯味又夠。整體，個牛扒餐係合格有餘既。凍茉香珍珠奶茶呢個唔使加錢既，我覺得茉利搶哂奶茶既味。但都無辦法既，因為台式既奶茶係比港式奶茶淡好多好多。珍珠好彈牙爽口，不過下次可以用糖水預先浸下，咁珍珠同杯野飲既味會夾。食物就唔錯既，服務都唔錯。你食完野會問一問你要唔要，都算幾好既。我好大意既係，原來一點錢找數可以減五蚊，即係二十五蚊，好抵呀。p.s.以前天水圍間椰X閣都可以咁既價錢食學生餐，但凍飲要加兩蚊之餘，服務又一蚊都唔值。自此之後，我都無去椰X閣食啦。