影片
更多
2018-06-07
207 浏览
天氣熱辣辣， 最啱就係食泰國嘢， 又開胃又醒神， 辣辣地食完出一身汗，爽晒~喺筲箕灣東大街， 新開咗一間泰國餐廳《泰一》， 呢間餐廳環境又大又舒服， 而且仲有個超大電視， 畀人一路食飯，一路撈下電視汁。餐廳除咗散叫之外，仲提供咗多種套餐， 有午市套餐、晚市套餐、以及宵夜套餐等。 何謂悉隨專便，豐儉由人。【雜錦拼盤】$138， 雜錦拼盤有齊5種泰式小食， 分別係蝦餅、魚餅、炸春卷、蒜蓉牛油雞翼、同埋泰式鳳爪沙律。 蝦餅夠彈牙， 蒜蓉牛油雞翼就夠香口， 蒜蓉味香濃。不過我最鍾意嘅就係泰式鳳爪沙律， 同埋炸魚餅。 泰式鳳爪沙律夠凍， 淋上惹味嘅泰式酸辣醬汁， 夠曬惹味開胃。 而且裏面仲有大量嘢洋蔥絲、芹菜絲、蔥絲等，口感清爽。另外炸魚餅亦同樣美味， 魚餅入面加入各款香料同埋香茅， 泰式風味十足， 而且又可以癖除鯪魚肉嘅腥味， 點埋泰式雞醬， 味道一流。另外食泰國嘢又點少得冬陰功湯呢？ 雖然呢個係【細嘅冬陰功湯】$78， 但卻份量十足， 足夠可以四人分享。 冬陰功湯用火爐滾住， 保持熱辣辣嘅溫度， 飲到最尾一啖都唔會凍，夠細心。 而且冬陰功湯味道調配得非常好， 酸度夠之餘， 亦可以飲得到椰奶嘅
喺筲箕灣東大街， 新開咗一間泰國餐廳《泰一》， 呢間餐廳環境又大又舒服， 而且仲有個超大電視， 畀人一路食飯，一路撈下電視汁。
餐廳除咗散叫之外，仲提供咗多種套餐， 有午市套餐、晚市套餐、以及宵夜套餐等。 何謂悉隨專便，豐儉由人。
【雜錦拼盤】$138， 雜錦拼盤有齊5種泰式小食， 分別係蝦餅、魚餅、炸春卷、蒜蓉牛油雞翼、同埋泰式鳳爪沙律。 蝦餅夠彈牙， 蒜蓉牛油雞翼就夠香口， 蒜蓉味香濃。不過我最鍾意嘅就係泰式鳳爪沙律， 同埋炸魚餅。
泰式鳳爪沙律夠凍， 淋上惹味嘅泰式酸辣醬汁， 夠曬惹味開胃。 而且裏面仲有大量嘢洋蔥絲、芹菜絲、蔥絲等，口感清爽。
另外炸魚餅亦同樣美味， 魚餅入面加入各款香料同埋香茅， 泰式風味十足， 而且又可以癖除鯪魚肉嘅腥味， 點埋泰式雞醬， 味道一流。
另外食泰國嘢又點少得冬陰功湯呢？ 雖然呢個係【細嘅冬陰功湯】$78， 但卻份量十足， 足夠可以四人分享。 冬陰功湯用火爐滾住， 保持熱辣辣嘅溫度， 飲到最尾一啖都唔會凍，夠細心。
而且冬陰功湯味道調配得非常好， 酸度夠之餘， 亦可以飲得到椰奶嘅香濃。 由於加入咗大量香茅，南薑等泰式香料， 泰式風情十足。 重點係冬陰功湯入面有幾隻泰式大頭蝦，每一隻蝦頭都有蝦膏， 而且肉質新鮮彈牙，大讚~
【馬拉盞炒椰菜苗】$88， 泰國嘅椰菜苗爽口清甜，用咗馬拉盞來炒，帶出鹹香，極為惹味。 而且亦有少少椒絲， 食落辣辣地，夠醒胃。
【香葉肉碎炒飯】 飯粒炒得粒粒分明， 而且食完碟底都唔會全部都係油， 香葉又稱為羅勒或者九層塔， 帶有獨特嘅香氣， 用來炒飯真係可以食到幾碗。
【青咖哩雞】$88， 呢度嘅青咖哩雞味道帶甜， 帶有微微辣。 除咗雞件之外， 仲有唔同嘅蔬菜做配料，好似南瓜、長豆，泰式小茄子， 同西蘭花等等， 除咗美味之外， 蔬菜比例亦相當高， 非常健康。
呢間泰國餐廳仲開到凌晨4點， 想食泰國嘢就真係冇分晝夜時段啦~
张贴
