euro go go

营业中

休息中

尋日同朋友行街行到攰,原來諗住去滿記食tea,點知咁岩佢裝修,於是經過Euro gogo睇下有咩食佢個tea set去到6點,其實我地落單果時已經過左,不過個職員都好好人比我地叫.我要左個香蕉比利時窩夫+凍朱古力,我個friend就要香腸比利時窩夫(留意兩個係唔同架)凍朱古力需然要加$4,上枱果時見到好大杯,一攪之下發覺係無冰架!仲要奶味十足唔會飲到最尾變水,唔知佢點整ge呢. 同埋我叫左少甜,佢真係好聽話少甜,唔似有d餐廳咁你明明叫左佢少甜少奶佢都係同平時一樣咁加,慣左手勢改唔到.原本諗住廿幾蚊應該都係細細件,點知黎左之後起碼個賣相好靚,配埋cream同maple syrum,個窩夫熱熱的,好有牛油味我個friend的就是配兩條短身的德國牛肉腸之類的,賣相無咁靚,至於味道我就無試過~當時間鋪唔係好多人,都有4,5個waiter,唔會唔夠人手,佢地又唔會掛住傾計唔理人,我地坐左成個鐘,環境好乾淨舒服,廿六蚊仲唔駛加一,有咁既質素同服務,邊度搵! 總括而言,一個宇: Good! p.s. 我地臨走果時隔離枱叫左個芝士火腿意粉之類ge,份量都大碟,一夾起d芝士香飄到過黎,證明落足料無欺場