心裡有素 (已結業)

心裡有素主打中式素食，係香港少有完全不含五辛嘅素食自助餐，但部分菜式含蛋。大部分菜式都冇食物牌標示菜名同是否含蛋/ 奶。自助餐加$30可享有素食火鍋放題，總共有5款湯底同30幾款火鍋配料提供，湯底包括有粉葛雜菇、白胡椒、芫茜皮蛋同沙爹等。部分食物 (例如碗仔翅、椰汁香芋西米露同煲仔飯) 係由店員潷定放係出面，所以比較容易凍，如果想食到熱辣辣嘅食物，就要留意店員嘅通知。另外，店員會時不時攞住新鮮炒好嘅小菜逐枱問食客要唔要。近廚房出菜位置放有唔同嘅醬料，例如秘製辣菜脯、沙茶醬、黑松露麻醬、千島醬等，全部都不含五辛，其中小清新醬標示為含蛋。自助餐沙律bar前菜: 溏心蛋、炸茄子、炸南瓜、炸秋葵、炸茶樹菇、涼拌粉皮、桂花蕃茄、鹵水豆腐、麻醬青瓜拌意粉推薦涼拌粉皮同炸物。粉皮口感煙韌，辣辣哋幾開胃，鍾意芫茜嘅香味。炸物雖然凍咗，但口感依然非常香脆，而且唔油膩，表面味道鹹鹹哋。小菜: 蕃茄炒蛋、炒油麥菜、欖菜炒四季豆、黑椒薯仔粒、醬油茄子、豉汁涼瓜南瓜、荷蘭豆炒蓮藕片、白蘿蔔炆豆卜、雞脾菇炒西蘭花、南乳粗齋、豆乾本菇炒花生芽、炒椰菜花、黑松露蒸水蛋、茶葉蛋、合桃咕嚕肉、芋頭合桃咕嚕肉幾脆口，外表酸