別府駅前料理 (已結業)

兩個人去晚飯, 叫左吉列豬扒拉麵、芝士魚肉餅同自家制餃子, 服務ok, 但係野食唔算好好食!我地一坐低, 就係咁睇有乜好食, 本來見佢menu咁多小食都花多眼亂、滿心期待, 我地都揀左好耐, 中途部長又走出黎問我地寫唔寫菜(有d催我地落order), 同埋出現落錯單, 惟一係佢處理落錯單既時候態度ok, 所以都覺得service算係勉強可以。講番野食先……吉列豬扒拉麵: 一般日式拉麵既水準, 豬扒都算係咁, 豬骨湯幾夠味, 不過唔知係咪我先入為主呢, 我覺得呢度無味千咁好食。芝士魚肉餅: 非常騎呢! 只食到炸醬入面有薄薄既一層魚肉, 同埋少少芝士, 我唔覺得好食同抵食law!自家制餃子: 係菜肉餡既煎餃子, 我食果陣已經凍左! >< 但係我男友話食到有d juicy喎! 我只覺得普通咋。整體黎講, 呢間野俾我既感覺就係將味千同和民炒埋一碟而又無自己特色既餐廳! 可能係我無錢食佢d壽司啦, 我覺得無乜野吸引到我再幫襯佢law!