上海姥姥 (德福廣場2期)

营业中

休息中

諗住餐餐都係食包吖，食茶記果啲。今次同事話食上海佬佬。早過十二點半前去人未係好多，等一陣就有位，不過我地幾個人係坐中間果張奇怪長枱 坐埋一邊好逼咁，加上周圍好似酒樓咁嘈，都幾唔舒服。啲食物就普普通通咁啦，所以都唔記得影相。個醉雞無乜酒味，好似係雪櫃攞隻雞淋啲酒就上碟。涼拌青瓜就淡味，不過正常既。個海蜤就好乾身，無乜汁。最好味就係個皮蛋，幾入味幾香口。個生煎鍋貼都幾好，咬入口仲有少少汁，係個皮厚左啲。其實仲叫左個黃金炒飯同其他，不過無影低。黃金炒飯就係唯一我記得係幾好食既。其他連味道都唔記得了。