韓家韓國料理 (已結業)

話說因為見黃店所以支持一下，果然真係一次甘多，無下次。試左他們一個晚市任食炸雞既餐。見到90分鐘任食，雖然小食款式不多，不過見價錢合理就入左去，跟住就瀨野。叫左餐之後，係度等左20分鐘先有第一塊泡菜煎餅，2舊仔，2個人食真係一人一舊，比較唸身，味道一般 (心想不要緊，反正有炸雞，細份d都ok，可以試多d)跟住來左一盤麻醬沙律，其實就係普通麻醬倒落d生菜度。主角既炸雞呢??? 我周圍啲客人全部點左野食既都來齊，我地仲要最早到，來既只有唸爆煎餅，沙律同飲品，人地單點炸雞又有得上，我就係度食風?第一盤炸雞係等左40分鐘之後先來，說好的90分鐘任食? 我比錢入來等? 講下d雞，有甜辣味，芝士味，牛油蜜糖，柚子等等，味道不太差，但係要留意d雞件件都勁多皮勁油，基本上你食幾舊已經可以收檔。如果計反單點$78/6件，個人建議單點，請不好叫呢個受氣套餐!食物一般，最重要係浪費時間，無服務可言，最後埋單仲要加一真係無言。