越味皇 (已結業)

我比預約時間早左20分鐘去到，但因為另外兩個朋友未到，所以餐廳唔俾我入座，大熱天時，餐廳門外冇座椅，又喺馬路邊，明明入面有位都堅持唔俾入座，已經對呢間餐廳感覺麻麻！我哋三個女仔點左下列食物：越式豬頸肉飯牛肉及雞肉串燒馬拉盞炒通菜特色生菜包泰國椰青椰汁珍多冰滋補龍眼冰食物好快上枱，第一道上枱嘅係特色生菜包，大家都覺得生菜包真係好特色，特色在於份量特別少，而且唔好食馬拉盞炒通菜好多油，但淡而無味，完全食唔到呢道菜應有嘅香辣惹味越式豬頸肉飯好唔吸引，好似頹飯；比較正常既只有飲品及串燒！我哋幾個女仔本身對食物都冇乜要求，唔會太揀擇，但呢間真係冇下次！