但好朋友生日就無辦法下都出咗旺角同佢食飯
食完就梗要食埋糖水先散水喇
今晚我哋5條友就去咗太子嘅糖西府，入到去無咩人，坐低後我就叫咗個芒果可麗餅配雪糕，朋友就叫左雪丸、心太軟、綿綿冰咁
侍應一送嚟真係嘩出聲
因為同衰9牌上嘅樣差太遠太遠，份量仲要少起碼3分之1，食落無特別，雪糕未算好滑，可麗餅則凍冰冰，芒果又未算好甜，就連粟米片都唔係勁脆個隻，真係完全唔值
加上侍應又西口西面，叫佢拎俾水嚟都唔答聲人，真係對呢間嘢無好感!
5條友食呢個價錢甜品其實唔係咩問題，問題係唔值，太細份，圖文不符，呢間應都無下一次!
