永珍越南食館 (已結業)

餐廳衛生差，　一步入餐廳有三張吉枱仲未清潔好，　我同老公選其中一張坐，枱上有一套上手用剩嘅碗筷…雖然望落乾淨，但阿姐無意欲去收，加多一套碗筷就算…叫佢抹枱…越抹越污糟，成枱河粉碎！　 要自己用消毒紙巾再抹。叫左一碟香茅雞翼…瘦猛猛嘅 ，$46/4件（另收加一服務費）。味道尚算可以，　但無香茅味…生牛肉湯粉…牛肉同湯底普通，啲河粉碎濕濕，成碗都碎…已經食到無心機，所以無再影相紀錄。侍應生懶散，　另一枱客人剛坐底，我地都聽到個客大叫三次…唔該，都係無人理佢，無奈…仲有第一次見侍應無嘢做時會坐係客席上休息… 懶！得！很！