富寶餐室

今晚想食煲仔飯，不過工廠區唔係太多地方有，行過經過見到廣告牌有得食，於是入去試吓。
選擇係幾多，叫了個北菇滑雞同滑蛋牛肉，仲有個魚皮。
先講魚皮，有啲咬口，都幾爽，同埋唔算太辣，都ok。
但至於煲仔飯，兩個都超唔得。首先啲雞唔滑，又韌，同埋超重雪味。而滑蛋牛肉，隻蛋係預先打咗落煲飯入面，蛋黃都熟埋。不過最唔得嘅係啲飯，一來面層啲飯太淋，但煲底啲飯又好似未煲熟咁，啲米仲好硬，而且又無飯焦，所以整體嚟講超唔得，亦唔會有下次。