影片
更多
2023-06-01
8477 浏览
今餐飯喺突發，老友喺做揸老細車，呢幾日佢老細出遠門，所以，走過嚟搵小弟食晏，咁有誠意，當然要出嚟聚下啦。餐廳就由去搵，結果帶我嚟呢間素食餐廳「無肉食」試試，佢就試過覺得幾好，小弟就第一次到訪。真喺唔行到入去都唔知，初時以為地方唔喺好大，原來餐廳呈L型，入到去非常之大，而且，裝修簡約，一室淺色木系，又夠晒光猛企理，相信就算坐滿人，應該都唔會感覺太逼。裡面角位仲有個半開放式嘅「廂房」，唔知喺咪雅致得滯，成個午市都無見人入去坐，可能嚟食晏嘅人都喺一、兩個，或者兩、三個，咁就無謂入去掗住晒。呢類素食自助餐家下都好流行，其實玩法都好簡單，入門口喺收銀處俾咗錢，入到去就自己顧自己，位置隨便坐，餐具、餐碟放晒出嚟，自由取用，零服務，勝在無拘束。收費方面，午市收$98（時限75分鐘）、下午茶收$80（無時限）、晚市收$138/$158（限時90分鐘），但呢間中環店晚市就不設時限，話說有時限，但都會睇入座情況，未必會話好嚴格執行，好似我哋食咁個幾鐘都無人理。此外，又有買十送一優惠，亦做埋自助外賣飯盒，收費午市收$60、晚市收$78，喺收銀處俾錢，攞個飯盒後就可以入去裡邊自己夾喜歡嘅食物，仲會送多碗素餐湯
真喺唔行到入去都唔知，初時以為地方唔喺好大，原來餐廳呈L型，入到去非常之大，而且，裝修簡約，一室淺色木系，又夠晒光猛企理，相信就算坐滿人，應該都唔會感覺太逼。
裡面角位仲有個半開放式嘅「廂房」，唔知喺咪雅致得滯，成個午市都無見人入去坐，可能嚟食晏嘅人都喺一、兩個，或者兩、三個，咁就無謂入去掗住晒。
呢類素食自助餐家下都好流行，其實玩法都好簡單，入門口喺收銀處俾咗錢，入到去就自己顧自己，位置隨便坐，餐具、餐碟放晒出嚟，自由取用，零服務，勝在無拘束。
收費方面，午市收$98（時限75分鐘）、下午茶收$80（無時限）、晚市收$138/$158（限時90分鐘），但呢間中環店晚市就不設時限，話說有時限，但都會睇入座情況，未必會話好嚴格執行，好似我哋食咁個幾鐘都無人理。此外，又有買十送一優惠，亦做埋自助外賣飯盒，收費午市收$60、晚市收$78，喺收銀處俾錢，攞個飯盒後就可以入去裡邊自己夾喜歡嘅食物，仲會送多碗素餐湯，所以，午市時段都見幾多人幫襯買外賣飯盒。
近入門口就喺食物區基本上可以講喺一眼睇晒有咩食，包括冷盤、沙律、熱盤、湯品、點心、糕點、炸物、炒飯、粥品、健康飲品、甜品、生果……等等，幾十款嘢，樣樣都有啲，夠晒食啦。絕大部分食物都無標示名牌，所以知就知，唔知就自己估估下啦，哈哈！
第一碟（頭盤）首先梗係食啲沙律、冷盤嘢嚟開開胃啦，呢碟雖然睇落雜亂無章，又中又西，但食落啲食材都幾新鮮，而啲中式冷盤，例如皮蛋、醃蘿蔔、蓮藕片、海蜇、大豆芽，味道做得都幾唔錯，仲襯多杯烏梅山渣茶，食落真喺幾能夠開開胃。
第二碟（炸物）食完啲健康嘢，跟住梗喺嚟啲唔健康嘢啦，第二轉全碟都喺炸嘢，拎咗炸雲吞、粟米、茄子、番薯、芋頭絲、烤南瓜、炸魚腐、春卷、炸饅頭……等等，所以，食素唔一定健康架，睇下點煮啫。呢度啲炸物做得唔錯，至少入口唔覺好油膩，又夠甘香，有啲沾咗粉漿嚟炸，做得夠薄身，手勢唔差。
牛蒡湯未落下一碟嘢食前，先飲番淡湯，我老婆都有時會煲素湯，其實，素湯夠料味道都唔差，而呢個牛蒡湯睇樣好似好清、好寡，但飲落唔錯喎，甘甘哋，亦有啲甜味。
第三碟再嚟就食番啲熱盤嘢，都喺揀當中較為合口味嘅，睇上去就無咩特色架喇，但勝在叫做穩打穩紮，而且，就算素食都唔會話太清淡、太寡，味道亦算唔錯，至少唔會食嚟食去都喺一種味。此外，食物補充都快手，所以，保持住選擇多多。
甜品前前後後食咗3大碟嘢，午餐嚟講已經超額完成啦，不過，點都要食啲甜品嘅，先嚟一碗涼粉搭紅豆糕，再嚟就一碗椰汁南瓜西米露，前者好食啲，因為後者啲西米煮到溶晒咁滯，幸而南瓜味都唔差。
多謝晒大佬請小弟食番餐，堅喺好飽，仲食到過晒放飯時間，偶然一次半次遲返都OK嘅，難得老死叫出嚟食飯嘛！
张贴
