好順景茶餐廳 (已結業)

雖然呢間舖地點方便，但在中環返左咁耐工都一次都未幫襯過，今晚要開夜，就同兩個同事來吃。七時許來到，人也不算十分多。叫了咖哩牛腩飯、星州炒米同焗豬扒飯。食物幾夠份量，咖哩牛腩飯幾黃色，咖哩味道OK，咁當然以行上少少的香滑咖哩屋好食D；星州炒米香味十足，味道都唔錯，但有點兒炒得過濕；焗豬扒飯都唔差，豬扒屬半肥廋亦唔韌。埋單百多元，以這樣的格局來說是略貴。記得涼多少少呢度會有煲仔飯供應，到時再睇下掂唔掂。