影片
更多
2005-07-11
30 浏览
﹝因為我極之喜歡吃連皮牛尾，所以呢篇食評，個人感覺絕對行先，不吃牛尾的，唔會知我講咩。﹞太座放工在中環買野，一齊去食晚飯。因為佢已經行左成兩個鐘，唔想行咁遠。所以原本諗住去Soho的一間食肆試下，結果都無去，近近地來了士丹利街的呢度。以前都幫襯過這裡，不過就多數去佐敦，其他地方好少去。呢度裝修新淨，感覺雅致，環境遠比想像中好。來時八時許，人客不多，我們沒有訂位，但都立即有位，仲要係卡位，當然比堂座好坐好多。但坐到八點半左右，已經好多人入座，好在我地早十五分鐘到。而坐到後期多人時，可能個樓底應聲，幾熱鬧又嘈的，無少人時咁好情調。其實來太平館，食來食去都係果幾味，唔係雞翼就係倉魚，再唔係牛尾或牛河，最後梗要來多個疏乎厘，差不多是指定動作，同咩對象來都係咁叫。是晚我們叫了砵酒焗牛尾及黑椒牛柳的套餐，還加上贈送的六隻瑞士雞翼﹝詳情見文後的「題外話」﹞。套餐包的甜品，只是一件小果撻，所以再加個疏乎厘。頭盤是湯或沙律，我們都要了沙律，是港式做法的薯仔什果沙律，大pat調製過的酸甜沙律醬在面。老實講，可能由細食到大，食開有感情，覺得一點也不比鬼佬的橄欖油、紅酒醋差。係架，親切感，係大晒的；我吃的是砵
太座放工在中環買野，一齊去食晚飯。因為佢已經行左成兩個鐘，唔想行咁遠。所以原本諗住去Soho的一間食肆試下，結果都無去，近近地來了士丹利街的呢度。
以前都幫襯過這裡，不過就多數去佐敦，其他地方好少去。呢度裝修新淨，感覺雅致，環境遠比想像中好。來時八時許，人客不多，我們沒有訂位，但都立即有位，仲要係卡位，當然比堂座好坐好多。但坐到八點半左右，已經好多人入座，好在我地早十五分鐘到。而坐到後期多人時，可能個樓底應聲，幾熱鬧又嘈的，無少人時咁好情調。
其實來太平館，食來食去都係果幾味，唔係雞翼就係倉魚，再唔係牛尾或牛河，最後梗要來多個疏乎厘，差不多是指定動作，同咩對象來都係咁叫。是晚我們叫了砵酒焗牛尾及黑椒牛柳的套餐，還加上贈送的六隻瑞士雞翼﹝詳情見文後的「題外話」﹞。套餐包的甜品，只是一件小果撻，所以再加個疏乎厘。
頭盤是湯或沙律，我們都要了沙律，是港式做法的薯仔什果沙律，大pat調製過的酸甜沙律醬在面。老實講，可能由細食到大，食開有感情，覺得一點也不比鬼佬的橄欖油、紅酒醋差。係架，親切感，係大晒的；
我吃的是砵酒焗牛尾，是個人在這裡常吃的兩個菜之一，必叫的原因是佢係連皮焗的，在時下食肆已幾難吃到﹝當然Jimmy's Kitchen還有﹞，加了皮比除去皮的牛尾要好吃十倍！皮豐腴味美，亦滲有些油脂，吃落甘香。而在面焗過的還微韌微脆，好有口感，掂！而有外皮在，牛尾的肉亦特別軟滑，一客有六、七舊，一口氣拆了三大舊，才開始吃飯，非常滿足。一向汁都是最弱一環，不甜不鹹，溫溫吞吞的，可以的話也是避開不吃。可幸同焗的紅蘿蔔塊幾軟腍，跟牛尾同吃，還算滿意。碟飯幾大碟，個人而言一半也吃不完，雖然無得「加面」，但下次一定要叫佢「扣底」；
太座的牛柳要了medium rare，加上選了要用鐵板上，是一個不易達標的成數。這裡一如所料是交得唔準，有紅色但壓下去也沒有血水滲出，火侯掌握得麻麻。牛柳質地算不差，百零蚊貨仔，算佢交到功課；送的六隻瑞士雞翼，無咩好講，因為仍然係中翼連翼尖，仍然都係咁樣味。有人話佢唔抵食，其實佢都係依然故我，只不過出面個世界係咁變，佢就毫無寸進咁者；
套餐附送的任何撻或西餅都是西餅店交來，這個一早就知，所以來就一定另叫甜品。叫又唔使諗，大會指定係疏乎厘。是晚的一個，焗起仍然係2號半足球咁大，熱食無不妥，可惜疏乎厘是我最不喜歡的甜品之一，所以個波就交左俾極喜愛吃疏乎厘的太座。至於果兩個迷你果撻，唯有由我包辦晒。
侍應服務不錯，擺碟及餐具，收碟或加水都小心奕奕，一絲不苟，唔該前多謝後的，值得一讚，可能晚市唔知係米會醒神d。
埋單二百八十蚊，我吃了焗連皮牛尾，太座也吃得滿意。加環境幾好，又坐得舒服，覺得不錯。
可能有很多朋友覺得這裡不屑一顧，但我認為得閒兩個來撐下檯腳，幾好的。
題外話：用DBS信用卡，簽單滿二百，送瑞士雞翼6隻。
张贴
