意歐

营业中

休息中

今日終於可以一嚐這間餐廳了，一直也很想試特色焗薯，大約等了五分鍾，終於有位。坐低先發現原來餐牌裏其實有好多種類的食物，最後點了焗薯、麵、PIZZA。前菜包左蒜蓉飽和白湯，飽好好味，飽身焗得好乾、好脆，牛油同蒜蓉比例剛好，每一囗都好入味，份量唔會偏小，食完一半得番個飽冇料。但個湯就真係一般，比較稀，唔算入味，都唔太多料。墨西哥肉醬焗薯，有好熱、好新鮮整既感覺，辣味由墨西哥辣椒發出，好配合薯蓉，但如果唔食得辣就有d 辛苦，同時，薯蓉焗得岩岩好，連皮焗既感覺好西方，加上腰豆令整體更健康。菠菜帆立貝墨魚面，份量雖然小，但帆立貝煮得不錯，唔硬而且充滿囗感。麵感覺好creamy，墨魚汁唔重，而且食落唔覺太有菠菜味，但帆立貝真係好好味，唔同一般餐廳，用急凍既海鮮煮出泥既帆立貝很硬。整體來說，這間小餐廳幾有氣氛，都值得一試。焗薯有好多不同種類，有凍既沙律有熱既牛柳粒，各有特色。但主菜既份量不多，味道還可。