K2 Kitchen (已結業)

今日去觀塘K2食晚餐，雖然set dinner都好抵，多選擇，但喜愛食龍蝦既我，set dinner得半隻，又好似唔夠喉，所以都係散叫原隻芝士焗龍蝦再加$58 轉餐，即包頭盤，湯，甜品，咖啡。先來頭盤係有機紅菜頭伴羊奶芝士。賣相好吸引，有大隻已熟的北海道帆立貝，再鋪了檸檬泡沫，紅菜頭味道酸酸的很開胃，還伴了火箭菜、羊奶芝士和芝士片，好彩唔算好羶味。這個是冷食的，可作冷盤食。湯是蟹肉粟米蓉湯，濃濃粟米香，超香甜，面層有忌廉泡沫像心形，望到都好sweet。蟹肉都比想像中多，增添了鮮味。主菜點了原隻波士頓龍蝦$218，面層有芝士同忌廉汁，龍蝦肉質彈牙，龍蝦頭多膏又香。甜品還有藍苺芝士蛋糕，最喜愛係朵用果Jam 做的玫瑰花，望住又sweet, 食落都sweet, 感覺非常良好。還包餐茶，叫了咖啡，夠香醇。