小魚兒 (寶漢大廈) (已結業)

見到餐廳做緊新推廣，兩款原隻澳洲龍蝦都唔算貴。餐廳比開業時多咗人，但都仲算坐得都夠舒服🤩蒜蓉牛油燒澳洲龍蝦🦞睇相都見有成隻手掌咁大。醬料超多，鋪滿了龍蝦表面。原本以為咁多蒜蓉會影響龍蝦味道，入口意外地食到鮮味又彈牙。而牛油可以話滲透每寸龍蝦肉。增加嫩滑感覺。私心推薦大家要食🐟烤魚 - 海鱸魚多款湯底中揀了鮮九葉花椒BB豆花，味道唔算太辣。海驢魚份量十足，魚肉剛好夠滑。而爐旁邊都有多款配菜🥢冒菜（套餐B）幾款湯入面我揀咗藤椒湯。小小辣，多多麻。套餐可以揀6款配料，真係好豐富。豆皮、萵筍、美國肥牛、豬大腸、油麥菜同鴨血。味道唔錯🥢金湯花膠雞絲翅撈飯熱辣辣石鍋裝住金黃色魚翅～ 花膠、雞絲、魚翅，份量尚可接受。味道比較濃郁，配埋白飯就岩晒