和味煮意

营业中

休息中

朋友好鍾意食烤魚，又鍾意食燒蠔，由於朋友一試愛上，所以佢帶咗我嚟呢度食大大條烤魚喇！有好多款魚嘅種類可以揀，連煮法都有8種，我哋揀咗鮮藤椒烤原條清江魚，仲升級咗純鮮牛乳湯底，個湯底帶微辣得嚟，再配上牛奶嘅幼滑，好好味呀！我哋掛住傾偈，條魚就一路慶住，但魚質都冇變老。烤盤裡有豆卜、薯仔等配菜，仲有滑捋捋嘅水晶寛粉，份量好夠，啲粉配埋個湯一齊食，好好味呀！除咗主角烤魚，仲有好多串燒選擇，我就叫咗燒鱔、牛舌、雞皮、雞軟骨、大蝦、羊肉、茄子，必點燒鱔，肉質嫩滑，塊皮卜卜脆。另外牛舌芯都要點，口感好爽口。串燒撒上孜然粉，惹味！由於燒蠔真係太好味，食咗半打要再叫多半打，生蠔大大隻，燒得恰到好處，滑捋捋，多汁鮮甜，混合蒜蓉一齊食，實在太好味喇！燒雞泡魚干係送酒必點小食，燒得好好味，一點都唔乾身，甜甜的又有咬口！呢度嘅龍鳳檸樂份量大到好壯觀，食咗咁多辣嘢都飲唔曬，好抵飲呀！