影片
更多
2018-01-23
77 浏览
女朋友無辣不歡，想食之前佢係四川食過既烤魚，一上網就搵到香港呢間叫鐵魚川式食堂，有雞煲又有烤魚，啱曬女朋友。餐廳大，環境乾淨，最特別係佢地設置二人座位，枱與枱之間有木板隔住，私人空間感覺上增加。餐牌好清晰，設計上面可謂費盡心思，例如係辣度方面，餐廳形容小辣為流灘辣，特辣為跳樓咁辣。我哋揀咗90分鐘銅魚餐，係烤魚加火鍋嘅組合。一開始有四款前菜，跳水木耳酸，魚情未豆芽辣，手撕包菜麻辣，嫰七八草清淡，主菜到啦！我地叫左福壽魚。福壽魚骨比較多，但肉質非常嫩滑，湯底屬於小辣，但沒有搶走魚嘅鮮味。職員亦會幫我地分拆魚件，非常細心。湯嘅配料有蓮藕，金針菇等等。差唔多食晒條魚嘅時候，職員就會加湯俾我哋打邊爐，銅魚餐包括三類海鮮，四款肉類同一款蔬菜。肉類最值得試嘅係佢哋嘅安格斯牛肉，牛味重，紋理分布平均。我地亦選擇黑豚腩片、雲吞同芝士雙響。芝士雙響一咬落去感受到濃濃嘅流心芝士，幾特別。海鮮有海蝦，聖子同大蜆各兩隻，數量黎講海鮮好少，但整個套餐黎講，分量非常豐富，未食海鮮嘅時候已經八成飽。而且質量勝於數量，雖然海鮮得六隻，但非常新鮮。食辣野當然要叫啲解辣飲品，我同女朋友分別叫咗佢哋自家製既菊花薑蜂蜜茶同紅
餐廳大，環境乾淨，最特別係佢地設置二人座位，枱與枱之間有木板隔住，私人空間感覺上增加。
餐牌好清晰，設計上面可謂費盡心思，例如係辣度方面，餐廳形容小辣為流灘辣，特辣為跳樓咁辣。
我哋揀咗90分鐘銅魚餐，係烤魚加火鍋嘅組合。
一開始有四款前菜，跳水木耳酸，魚情未豆芽辣，手撕包菜麻辣，嫰七八草清淡，
主菜到啦！我地叫左福壽魚。福壽魚骨比較多，但肉質非常嫩滑，湯底屬於小辣，但沒有搶走魚嘅鮮味。職員亦會幫我地分拆魚件，非常細心。湯嘅配料有蓮藕，金針菇等等。
差唔多食晒條魚嘅時候，職員就會加湯俾我哋打邊爐，銅魚餐包括三類海鮮，四款肉類同一款蔬菜。肉類最值得試嘅係佢哋嘅安格斯牛肉，牛味重，紋理分布平均。我地亦選擇黑豚腩片、雲吞同芝士雙響。芝士雙響一咬落去感受到濃濃嘅流心芝士，幾特別。
海鮮有海蝦，聖子同大蜆各兩隻，數量黎講海鮮好少，但整個套餐黎講，分量非常豐富，未食海鮮嘅時候已經八成飽。而且質量勝於數量，雖然海鮮得六隻，但非常新鮮。
食辣野當然要叫啲解辣飲品，我同女朋友分別叫咗佢哋自家製既菊花薑蜂蜜茶同紅桑梅蜜。加$2x左右就有咁大杯。
如果大家平時食雞煲食到悶，可以試吓呢間雞煲烤魚雙拼，或者只食烤魚。性價比高，服務質素好，值得一試。
张贴
