前家樂餐廳火鍋店 (已結業)

夏天食雞煲真係又愛又恨啊!! 對上一次食好似真係冬天既時侯, 忍唔住收工同幾個同事由觀塘搭的士直奔大角咀黎食呢間呢排都幾火紅既前家樂!我地4個女仔, 因為我就好中意食魚既, 所以店員就推介左我地食半隻雞煲同細邊烤魚, 再order其他野打邊爐。半伎雞煲(麻辣少麻微辣)-同事都不太食得麻辣, 但原來微辣都幾辣, 會食到個咀有孖潤腸feel哈哈。雞好入味, 而且好嫩滑好新鮮, 食得出唔係冰鮮雞。不過覺得佢個煲香料就少左啲, 可以再濃味啲就好啦!烤鯇魚(細邊,雲南酸辣)- 說好的細邊原來都勁大條, 可能平時係屋企食開既鯇魚都係細細條, 見到佢真係嚇親@@ 魚既肉質好鮮甜好滑, 跟老闆說的一樣, 似係每日新鮮運到既魚, 而且無泥味。魚既表面煎香左少少先放落湯度滾, 加上自製既醬鋪係魚皮, 食得一啲都唔腥! 唯一想講既係魚湯耐左變到好咸, 飲唔到有啲哂~生蠔- 都幾大隻, 不過拎出黎既時侯未完全解凍, 要等一陣先食得! 蠔都幾新鮮, 好大浸海水味, 同事們愛得很呢!芝士竹輪卷-OMG 除左吉野家我未試過打邊爐有呢樣野食!!! 好開心因為芝士竹輪真係好好味, 佢呢隻仲好食過吉野家嗰隻芝士味好濃,