探魚烤魚

营业中

休息中

以前喺深圳食過一次探魚，記得佢嘅凌波魚又多肉又嫩滑。喺APM商場行完街搵嘢食，見到開咗探魚就入嚟試吓。一樣都係叫咗凌波魚，味道就揀咗好多蔥嘅蔥蔥蔥聰明烤魚 。$298個烤魚上枱都幾搶眼，因為實在好大個鍋，同埋好多蔥，除咗蔥仲有京蔥同埋辣椒，仲有肉丸。條魚真係啖啖肉，好滑，而且凌波魚又唔會太多細骨，食得比較方便。彭彭小酥肉 $58，香口嘢，送啤酒一流，所以都叫咗支啤酒，佢啤酒都有好多款選擇。另外見到好多台都有叫「嚣張冰桔桶」，個樣真係好囂張，好巨型好吸引，如果多啲人一定要試吓。今日得兩個人就淨係飲咗啤酒，同埋加$9 無限探索區，即係自助食冰粉同埋沖茶飲，有菊花茶同埋荷葉茶。香烤花菜 $38.00 即係烤椰菜花，有少少辣椒粉喺面，不過就唔辣嘅。店舖裝修同內地差唔多，店員服務都幾周到。