烤魚叔叔 (已結業)

今日約左班朋友黎烤魚叔叔食飯，餐廳主打烤魚和串燒。餐廳好有韓式燒烤餐廳feel，自己的物品可以放係圓椅內，避免吸曬油煙味。先黎個招牌鮮青椒爽麻烤魚（江團魚），入面充滿青辣椒🫑和紅辣椒🌶️，夠晒足料夠晒辣味，江團魚啖啖肉鮮嫩又可口。湯底用左蟲草花熬煮，鮮味更濃，加埋辣椒食完即刻成個人醒曬。竟然有羊肋條食正呀😋羊肋條燒到焦香，食落去更香口，羊肉味超級濃郁，羊肉非常多汁，如果再多啲油脂更加好味，得一串真係唔夠喉，再嚟多幾串。燒羊油脂比較豐富，滋味無窮，肉質鮮嫩有咬口，可謂色香味俱全，一口一件食得好過癮。肉厚多汁燒咖啡菇和燒冬菇，燒過之後咖啡菇的味道更濃醇，每一啖都有汁液係入面流出嚟，啖啖新鮮啖啖滋味。