Goobne Chicken (東薈城名店倉)

营业中

休息中

鐵板軟芝士甜辣烤雞+韓式雞蛋捲+鐵板泡菜煎餅+雞胸肉及涼菜沙律+真露燒酒上個星期終於有少少開心野發生，梗係去食好西慶祝下啦！！！咁岩知道東薈城開咗間新韓國嘢，又係屋企附近，仲唔去試吓佢。呢間店主打係食烤雞嘅，烤雞感覺比炸雞健康又唔會用油唔會咁肥膩。見佢門口都擺咗幾個獎牌應該都唔會死錯人嘅。我同屋企人一齊叫咗個鐵板軟芝士甜辣烤雞，齋食雞呢都幾辣嘅，但嗰隻辣係會令人鍾意嘅辣，但加埋啲芝士一齊食就啱啱好唔會辣得滯食唔到，真係夠晒惹味。其他side meun我地都有叫架，特登叫咗個雞胸肉及涼菜沙律解下食肉嘅油膩感，啲菜好新鮮咬落仲係脆卜卜，又唔會有草腥味。我哋仲叫咗一個鐵板泡菜煎餅同韓式雞蛋捲，兩樣都靚靚囝囝，尤其個雞蛋捲一定要相機食先，賣相好吸引。再嚟梗係要整返兩支燒酒飲下啦，碟碟餸份量都好夠，食到我哋幾個都飽住咁走。下次放假都會再返嚟encore。