梨滿園韓國料理 (已結業)

成日都聽朋友講話女人街好多正嘢食，今次黎依間食韓國嘢，又幾多嘢食同抵食喎。我哋叫咗二人套餐，首先會上咗六碟前菜。有南瓜，白菜，泡菜，馬鈴薯條，芽菜同酸蘿蔔條。肉就有五花肉，牛同雞。味道好好，雞就算係烤完都好嫩滑。另外仲有配生菜，大蒜同麵豉醬，老闆娘好熱心咁教我地點包先最好食👍套餐入邊仲有炒年糕或者粉絲可以揀，我哋就揀咗年糕。年糕夠Q彈而且唔會好辣，仲有翠玉瓜，菇同魚片喺入邊。飲品方面就叫咗韓國桃汁同埋酒。