熨烤達人 (已結業)

呢間餐廳睇個名都知係食烤肉，但唔想食烤肉既朋友都可以黎試下其他熟食，都唔錯架。非常推介呢個牛肩肉！食左幾款菜式同之前食過佢既烤肉，最好食就係呢個牛肩肉，本人認為仲正過餐廳既烤和牛。呢個牛肩肉應該係七八成熟左右，入面好多肉汁好juicy，口感好嫩滑，而且味道唔錯，唔會太濃味，有少少甜，上菜既時候係幾塊大既，之後職員會幫你剪成細細舊。芝士焗雜菌，味道不過不失，但呢一個菜式用既芝士係片裝芝士，所以拎上台一陣之後，d芝士好快就就凝固番變左成舊，建議可以改用其他芝士。餐廳既飲品除左普通既汽水嘢飲之外，仲有好多款特飲，但主要係以沙冰為主。仲有個金仔炸雞飯，係餐廳推介菜式之一，炸雞既口感都幾酥化，個醬汁都唔錯，但味道唔算好出眾。