橫浜水產磯燒+遛Local Bar@Grill & Hot Pot (已結業)

Yohoooooo，聽說呢間餐廳又可以烤肉，又可以打邊爐，更加可以食刺身，再加上燒海鮮，直情係乜都有得你食，唔使驚要煩呢個朋友食乜嗰個朋友食乜，你呢間就一定得，佢Menu上面有幾個set可以俾你揀，因為我哋人少少，所以就揀最普通嘅set，就有刺身食啦，有烤肉食啦，亦都有得打邊爐，店員首先會問我地要order啲乜嘢肉俾我哋去燒同埋刺身會到左先，俾你開咗個胃先啦嘛，而佢哋啲燒肉係可以任食，係會無限幫你添加，只要你需要的話，同店員講一聲，佢就會refill俾你，刺身入口好新鮮，二人份量亦都唔會話唔夠，而烤肉方面雖然係有得俾你任食，但每一次嘅肉嘅份量略嫌比較少同埋比較薄，食玉秀嘅朋友就一定要狂refill了，最後嘅打邊爐，會有八個湯底俾你選擇，款式都好多，而我哋選擇咗昆布湯同埋360牛乳海鮮湯，昆布湯都系一般普通嘅昆布味道，牛乳海鮮湯就比較出色，好重牛乳味亦都好鮮甜，所以我哋放棄咗昆布湯只係食牛乳海鮮湯，哈哈，到最後食完之後店員就送咗個咖啡布甸俾我哋，好重咖啡味好香好滑。