影片
更多
2017-02-21
245 浏览
炸雞、pizza、啤酒，大部份人都中意吖，我都唔例外喎，食極唔厭（爆）。呢晚3人行去左cwb搵食，地點雖然喺cwb，但其實唔係好就腳。。哈哈！唔就腳嘅好處就係冇咁多人囉 lol其中一個朋友遲少少先到，所以我地叫左Lemon & Peach Squash 飲住先，係。。細杯嘅，好口喝嘅朋友一杯應該唔夠喉（爆），對於我平日飲少甜嘅人黎講係偏甜左嘅 (/^▽^)/ 齋飲唔掂，事關我好好好肚餓，點都要叫小食頂住先，Octopus Croquette 面層有沾麵包糠炸到脆脆咁，係有少少油油地嘅，而切到碎碎嘅8爪魚粒埋藏喺一堆cream入面，又出奇地唔錯喎 😋朋友到左當然馬上order，大佬餓左一日係顛少少㗎啦 （笑）韓式芝士薄餅佈滿左我至愛嘅芝士，拉絲嘅感覺極為hyper，芝士味濃而不太咸，餅底麵粉香味清晰呈現，我一個人食左3件 （爆）係啊！聽講係蒙古式烤爐做㗎 ♡再黎就隆重為大家推介BBQ烤雞，對於食少辣嘅我黎講有少少挑戰性，真係幾辣啊！有少少噴火🔥🔥🔥嘅感覺，爭啲要call消防救火，烤雞肉依然嫩不會被烤乾，雖然辣到咀唇麻痹發脹，但依然想食，停唔到 ，正啊！最後辣汁海螺撈冷麵，撈勻之後每條麵
其中一個朋友遲少少先到，所以我地叫左Lemon & Peach Squash 飲住先，係。。細杯嘅，好口喝嘅朋友一杯應該唔夠喉（爆），對於我平日飲少甜嘅人黎講係偏甜左嘅 (/^▽^)/
齋飲唔掂，事關我好好好肚餓，點都要叫小食頂住先，Octopus Croquette 面層有沾麵包糠炸到脆脆咁，係有少少油油地嘅，而切到碎碎嘅8爪魚粒埋藏喺一堆cream入面，又出奇地唔錯喎 😋
朋友到左當然馬上order，大佬餓左一日係顛少少㗎啦 （笑）韓式芝士薄餅佈滿左我至愛嘅芝士，拉絲嘅感覺極為hyper，芝士味濃而不太咸，餅底麵粉香味清晰呈現，我一個人食左3件 （爆）係啊！聽講係蒙古式烤爐做㗎 ♡
再黎就隆重為大家推介BBQ烤雞，對於食少辣嘅我黎講有少少挑戰性，真係幾辣啊！有少少噴火🔥🔥🔥嘅感覺，爭啲要call消防救火，烤雞肉依然嫩不會被烤乾，雖然辣到咀唇麻痹發脹，但依然想食，停唔到 ，正啊！
最後辣汁海螺撈冷麵，撈勻之後每條麵都沾滿醬汁，螺肉還算可能以，中意佢麵條中嘅青瓜、椰菜、甘筍絲，增加爽脆咬口，雖然辣，但冇BBQ烤雞咁辣，如果麵條冇咁林就更好啦！
张贴
