美中·鴨子

营业中

休息中

商場第一日開幕，夜晚超多人食飯，一定要用app攞位。好耐冇食過美中鴨子，而家連茶杯都是用透明玻璃杯，上面仲印咗一隻鴨。烤北京填鴨：半隻$208 ，全隻$388。製作需時，一入座已經即刻落單，結果等了一個鐘先有。青瓜、蔥、醬汁，各有2份。鴨皮好脆囗，皮下充滿油分，滿口油香鴨肉嫩滑，配鴨皮的油花，十分滋味鎮江肴肉：啫喱位晶凝通透，味道不錯，食落彈牙，但又不會癡牙川味蒜泥白肉：白肉份量不多，豬肉片下面是一堆青瓜絲。調味醬入口是甜的，隨之而有鹹味和辣味，仲有麻味。青瓜絲超爽甜，最索到麻辣味。麻辣味都keep到幾耐下。上海鮮肉鍋貼：鍋貼皮煎到香脆，有少許濕潤不是乾淨淨那種。冇諗過裏面有肉汁，一咬開即刻噴曬出嚟。肉餡都多料。男待應見到茶壺冇水會主動幫你加水。