㷫烚烚 (已結業)

首先嚟咗啲前菜同老火湯🥣，係蟲草花燉雞腳湯，補下個身。前菜係炸墨魚餅、芫荽皮蛋同白雲鳳爪。 🔥🐥秘製火焰雞煲，非常啱打卡，店員真係過嚟點火，視覺效果一流，雞肉辣辣地幾惹味。海鮮拼盤有時令推介，鮑魚、蟶子、扇貝、貴妃蚌、蝦、魷魚筒，荷葉底蒸，令食物更為清香，再加上蒜蓉、粉絲、蔥花等等。 蝦滑烚烚蜆煲，蝦滑包住咗蜆肉，口感好彈牙，推介。美國prime牛、其他美國牛、豚肉、雞件等等，牛肉切得薄身而且牛味濃郁👍🏼。 自助區都好多火鍋配料揀，各款丸類、腸仔、蔬菜、麵食都有，不得不提，除咗有出前一丁仲有王子麵🍜。飲品都好多選擇，除基本罐裝可樂/果汁，亦有自家製嘅冷泡茶同涼茶。 花奶椰汁燉桃膠甜品，夠晒滋潤。新開張仲有88折（每位$328）食到咁多樣嘢又可以打卡，而且小編覺得以上各項都有佢嘅特色又幾好食，抵！