影片
更多
2018-11-22
126 浏览
近排已經 feel 到陣陣涼意，又係到我最鍾意烚吓烚吓嘅時候啦！見到大家樂成日係地鐵入面賣廣告，搞到我好想試下佢既新品：藍海星斑海捕鍋老實講，７０元有咁多樣野食已經算唔錯，既然都黎到食，就加多 $5 追加三文魚子魚滑。 （一人前份量）根本唔洗擔心唔夠飽，因為最後落埋個米線一定夠飽。＊星斑魚片鮮甜肉厚，肉質細緻，灼一灼就即刻食得，不過係有點點腥味，本人唔太鐘意魚所以一般。＊美國穀飼肥牛肥瘦得宜，一盒仔大約有４片到，食落有Ｄ牛味，算唔錯幾驚喜。＊蝦就普普通通，一點都不彈，比較林身＊魷魚反而估佢唔到咁新鮮，食落仲好ＱＱ＊我簡左沙嗲湯底，唔會死咸，而且好夠沙嗲味
题外话/补充资料：
醬汁自助區既醬好齊全，今次遇到醒目既員工，一見到係打邊爐既就立即點火，見冇咩湯就加水，而且好有禮貌！
(以上食记乃用户个人意见 , 并不代表OpenRice之观点。)
张贴
