海底撈火鍋 (將軍澳中心)

营业中

休息中

💫話說細妹一直都想試下海底撈，今晚就即興同佢去食繼續烚吓烚吓！今次去將軍澳中心分店，店面都大，坐得都舒服。我地4個各有心水湯底，於是說揀左4宮格，分別💫蕃茄火鍋、💫大骨湯火鍋、💫花膠雞鍋底、💫清油無渣麻辣。個人就推介唔食辣既人必點花膠雞鍋底👍🏻 👍🏻好濃雞味，湯底杰身，仲有雞件、鮑魚… 除左鍋底，任飲就$15/位，有柑桔檸檬、酸梅湯、無糖豆漿選擇；醬料就$18/位，唔要醬料就唔計收費。食物種類都多，價格當然無係大陸食咁抵啦！有整份同半份選擇… 我地就揀左💫撈派滑牛肉$108、💫西班牙梅豚肉$168、💫精品肥牛$138。食得麻辣火鍋，梗係必點💫鴨血，今次點左2份$96👻，佢仲有個專門點鴨血既辣粉，蘸完即刻提升鴨血既味道😋😋其他配菜都係正常大路款式。另外必點推介就係💫芝士牛肉丸$88，牛丸彈牙，入面有芝士，要慢慢食要小心爆漿！💫撈派蝦滑$138，蝦肉好彈牙新鮮，份量比想像多👍🏻食到尾會有雪米糍同薄荷糖送。如果同枱有小朋友，仲會送🐷豬仔包同蒸蛋一份！食過大陸海底撈，再對比香港食，一定無咁抵食，服務方面亦無咁親切貼心，但都會主動詢問、細心加湯撇油。不過難得同屋企人打下邊爐，呢啲無乜所謂啦🥳🥳=