KOI Thé (弼街) (已結業)

一向都鐘意KOI嘅飲品，喺呢條街都有好多台式飲品店，又有sharetea、天仁，仲有本地薑茶一，不過大家嘅飲品路線都唔一樣，各有所好。KOI嘅客人一般唔多，所以口渴、或者天時暑熱都唔洗話等太耐。其實呢排都出左芋圓系列同抹茶，我都想試下，但熱熱地今日就想飲番烏龍茶。點左細杯，價錢唔貴，等左五、六分鐘左右，唔算好耐。不過台式飲品我一定要少糖，否則真係甜得濟。呢杯茶味都幾香，唔會太甜。最重要係夠凍，消暑一流。