十里洋場 (已搬遷) 新店位置

每年我生日契媽請我食飯，本揀中環歷山大厦北京樓，打電話訂枱，去到無開，4月中先開，原來我打咗去鰂魚涌嗰間，怎算？其實想同佢食好些，因為限聚令，高级餐廳較難訂枱，座位少，想起此處，有得訂，拿拿淋轉過來。有新點心牌，多廣東點心選擇。女兒紅醉雞$118，同樣酒繼續醉，帶甜，雞嫩。賽螃蟹餃$57，淡味，蛋白餡欠蛋香，皮唔煙韌，腍，不晶瑩通透，白玉。韭菜煎盒子$54，香口，外層皮濃香薄軟，肉粒冬菇碎，韭菜唔夠臭。鮑魚火腿穌$57，外形似皮蛋稣，體形小巧，內裏鲍魚有幾多，自己想，配咸火腿蓉，一般。雪绵豆沙香蕉，$60，欠蛋香，反而香蕉香，豆沙唔太甜。老人家味覺巳退化，味道我認為ok,佢更覺無味。