烏蠅館 (已搬遷) 新店位置

尖沙咀亞士厘道的食店有很多，基本上乜國家地區嘅菜都有得食！零零舍舍見到一個banner寫住「冒菜」兩個大字，聽都未聽過，究竟係咩國家咩地區嘅菜式呢？好奇心驅使之下，就走左入烏蠅館。原來冒菜係四川菜既一種；而店名烏蠅館並唔係因為多烏蠅而命名，原來美味得令人融化人心，才會被食客稱為烏蠅館！又學到嘢我地六點幾未夠就去食晚飯，人流唔算多。烏蠅館裝修雅緻，感覺很溫暖。落單一人一張order紙，選擇非常豐富，感覺有啲似order車仔麵，店員也為我地細心講解餐牌，非常體貼。8餸1主食連埋特飲係$70。特飲檸檬蝶豆花。最近蝶豆花好hit，一定要試一試！顏色非常特別，用黎影相呃Like一流，仲含有豐富維他命A、C、同埋E，可降血壓同埋增強免疫力，內外兼備既飲品，正！（注意：孕婦忌飲用）好大碗四川火鍋麵！湯底香噴噴，齋睇顏色以為佢小辣都勁度十足！入口原來冇想像中咁辣，微辣且香，麻得過癮，而且油而不膩。蒜蓉和香䓤伴後令湯底味道更濃郁，四川火鍋麵爽口，各樣配料都很出色，完全喜出望外！老公order的桂花蜂蜜，微甜帶桂花香，非常清新之餘，仲係解辣良品！老公揀左配飯，d飯真係煲得唔錯，撈少少麻辣湯真係開胃非常！咁