烏龍燒 (已結業)

串燒就食得多，可以自己燒既就真係比較小見，今次就試左呢間自己落手燒既小店啦~每枱都有蜜糖，七味粉 ，豉油等調味料，兩人同行既話會送多一種調味粉噢~手工beer，細支裝，但麥味濃郁，並唔苦澀，非常容易入口！食串燒就一定要配beer~雞髀菇，大大舊~燒到岩岩好既話會好 juicy ~魷魚，牛舌，雞腎，每樣都好新鮮~ 提提大家多數既串燒本身都冇調味~方便大家一邊燒一邊落自己鍾意既調味料~竹筒飯~有埋計時器，過左7分鐘就反一次面，燒完果時店員會幫手拆開個竹筒~完成品，正~沙律醬蟹棒（熟食）同埋川味牛骨髓，骨髓非常特別，值得一試~小心唔好放太入，可能會燒埋支竹籤嫁~