Cafe Paradise (已結業)

呢間餐廳食咗好幾次，因為佢保持到個水準，所以今次又去食過。由於午飯時間佢哋冇得book枱，所以我要好早落去霸定位。我叫咗個墨魚汁燴意大利飯，呢個午餐有個餐包、忌廉湯 、呢個飯同一杯嘢飲。呢個飯有墨魚之外，仲有洋蔥碎同埋辣椒油，所以有少少辣。由於意大利飯關係，所以口感煙煙韌韌。食到一半已覺好滯，但為免浪費，最後食曬個飯，而條吉列蝦仔就送咗畀我同事食。最後，個嘴好烏卒卒，要用紙巾抹幾次先甩曬嘴上面嘅墨魚汁。