麵麵 (已結業)

烏冬係我最鍾意既麵食之一應該都唔會有錯但有日同朋友食飯,佢帶左我去間食烏冬既餐廳.雖然都係烏冬但與別不同既係佢係魚烏冬.一入餐廳坐底後,店員會送上餐牌同一小杯魚湯比你.魚湯魚味好鮮甜又唔會腥,湯底隔晒油十分易入口又健康.XO醬雞翼拌魚烏冬既XO醬超夠份量之餘粒粒瑤柱乾入口夠晒惹味.雞翼炸得好脆,一咬落去咔嚓咔嚓聲好治癒.魚烏冬個底都唔hea你,內裏已經用芝麻醬拌好,入口香滑.雖然魚烏冬無平時既烏冬咁平滑,但一樣彈牙.四川麻辣燒牛肉拌魚烏冬,四川麻辣醬唔會過份麻辣,連唔太食得辣既我都食到,而嗜辣者就可能要加辣啦.薄切燒牛肉唔會過乾,咬落牛味一開始唔算濃但慢慢就會食到牛脂香味.魚烏冬其實都幾入味,完全掛起麻辣醬入口啖啖川香.漁人樂脆集齊蕃薯條,薯條,魚肉春卷同墨魚卷.沾上黑松露沙律醬減低油膩感又增添左重香味.魚肉春卷切成一絲絲再炸後更脆口.墨魚卷炸完仍然保持到彈牙感.桂花雪梨肉花茶去除膩滯既感覺,清新一下口腔.無添加糖都唔會淡,內有雪梨淡淡既甜味,桂花又夠清香.