丸亀製麵 (百合苑商場) (已結業)

今日經openrice外賣自取一個大嘅蕃茄牛肉烏冬， 預訂13:28做好， 職員亦都係系統輸入13:29已做好。 但係當我大約13:32 到達分店同佢講聲嗌咗外賣自取， 佢就大聲喝話未做呀，跟住叫我等等， 結果大約13:40出餐， 我就拎返公司食。 一打開發現竟然係清湯， 烏冬如常煙韌好味，但係牛肉份量少同零碎, 個湯底仲要畀佢換埋。總括嚟講，希望職員做嘢小心啲， 湯底都搞錯，真係幾大懵！另外，就算忙都唔好對客人態度惡劣。