黑安格斯肉眼牛扒掛烏冬。牛扒烹調得啱啱好，中間粉紅，入口嫩滑，牛味濃，而且多汁，非常美味。而烏冬汁都好出色，啖啖蒜味，咁啱本人都係蒜控，所以呢嗰汁好對胃口。烏冬入口煙靭，有咬口，唔會太腍，可以話都幾出色。
廣島蠔肉碎烏冬。廣島蠔大大粒，脹卜卜，未食望都覺得相當吸引。味道無得輸，相當夠蠔味，而且蠔吸咗湯汁，入口更美味。仲要一碗有五大粒蠔，抵食呀！
小食就點咗龍蝦沙律，味道唔錯，有少少Wasabi味道，但唔會太嗆喉，調味得好適中，而且仲有龍蝦肉喺入面，作為前菜小食啱啱好！
天氣凍凍地，仲嗌咗杯熱棉花糖抺茶。呢杯飲品不過不色，正常水準。
