Red Rice 米飯主題餐廳 (億利工業中心)

上次點咗雞扒蟹棒烏冬，雞扒的雞皮煎得金黃，但反轉肉面見到好燶，好彩肉質尚算嫩滑，但湯唔夠熱，餐飲點咗柯華田紅豆冰(加$9), 杯面滿是柯華田，好香濃，粉狀遇凍會變脆脆地，口感幾得意，紅豆好味，如果多啲紅豆就perfect。朋友點咗叻沙烏冬，叻沙味唔夠濃，湯底好稀，熱度唔夠。

今次點咗鐵板肥牛肉飯，飯量唔多，我細食都食得晒，汁料點咗照燒汁，甜甜地，配肥牛肉好正，餐飲點咗青蘋果綠茶(加$6)，好飲。朋友點咗海南雞飯，味道無特別評語，只是覺得飯唔夠熱。另一個朋友點咗蛋包飯，味道唔錯，又係覺得飯唔夠熱。

餐廳要注意食物熱度，只有鐵板餐夠熱，無理由次次食鐵板餐卦🤣。