Cafe Whale

墨魚漢堡真心好食，見墨魚滑打出嚟嘅墨魚餅，超級厚身，入面仲有粗粒墨魚，所以咬落去係有少少層次感，同一般墨魚餅好唔同，呢個好好食。

加$45轉套餐就可以揀埋呢個火炙明太子薯條，味道好Rich，明太子配薯條真心正。

湯烏冬又係好好食好精彩，最正係個魚湯，一飲落去就知講得少，似乎係用新鮮魚自己煲嘅魚湯，所以飲落去feel到有好多條魚嘅精華喺晒入面，簡簡單單加上魚蛋魚片頭，已經好好食。

佢個魚湯烏冬仲會配一個小食，呢個似乎係八爪魚沙律，少少Wasabi味，好fresh。兩個餐都跟埋飲品，我就覺得幾抵食。