吉列牛忌廉烏冬專門店 (彌敦道) (已結業)

叫咗一個咖喱忌廉烏冬，同埋一個吉列牛定食。首先食一舊吉列牛，擺入口咬唔開超級韌，需要夾硬扯開吞落肚。咖喱忌廉烏冬: 望落好奇怪，撈勻之後賣相都OK嘅，但係食落口冇味，好少好少咖喱味，完全唔辣，食多兩啖見到有觸鬚，有觸鬚有觸鬚，呢個時候已經好驚，撩開仔細睇就見到係曱甴🤮🤮🤮我碗烏冬入面有曱甴🪳我碗烏冬入面有曱甴🪳我碗烏冬入面有曱甴🪳好彩佢餐廳入面有廁所，真係即刻衝入去嘔返食咗嗰兩啖烏冬佢仲話補返個小食俾我，食個烏冬都有曱甴，我點知你個炸嘢啲油用咗幾多年，細思極恐，邊度夠膽食，呢間舖頭究竟憑咩咁多好評？