尖沙咀凱悅酒店咖啡廳

為慶祝結婚週年，今年揀咗去Hyatt食自助餐，之前上網見個地方好grand，又有老公至愛既龍蝦同鵝肝，價錢貴少少都想去試下。第一時間去咗拎龍蝦，大大隻好吸睛，雖然每次只可以拎半隻，但見個賣相同爆膏情況都好理想，想即刻拎多半隻添，點知龍蝦咬落去一d鮮美都無，只係膏有味，拎兩次只得一次有膏，老公食咗半隻就再無攞，而我都只係為填飽肚而食埋一整隻！之後去咗拎海鮮，我哋食咗一轉無再去拎，全部都好唔新鮮，連平時狂擦既蟹腳都只係擦咗幾隻，黐殼得很，老公失望得很！行去刺身吧，只得蝦同帶子供應，其他刺身唔見有refill，帶子鮮甜還算ok，但無再去拎第二round。。。突突突然聽敲鐘，即刻衝去排隊，原來有新鮮手切油甘魚，眼見又油又新鮮，即刻每人一碟，到目前為止叫覺得好味既嘢。稍滿足過後，開始食熱食，傳聞牛扒唔錯，滿懷希望据靚扒，點知咁薄都靱，牛味又唔濃，不試也罷！唯有冀望串燒, 鵝肝多士同天婦羅，串燒中只有鰻魚好味，肥美有口感，非一般貨式，但其他就燒得比較乾no good！鵝肝多士都ok，食多幾片叫無咁蝕，天婦羅可以用 ”唔掂” 嚟形容，全部又凍又硬！最後只得甜品未食，無再期望有特別，蛋糕無驚喜，唯一可