為食龍 (已結業)

今日黎左中環Soho區些利街為食龍食野。為食龍係大館附近，入口隱藏係長自動扶手電梯後面，都唔洗行太多路。餐廳兩層高，行樓梯上一樓有位坐。餐廳裝修以恐龍同森林為主題，都幾有玩味，非常似mamaday，影相打卡好正。無黎一排，午餐餐牌有少少唔同咗，價錢由$128至$298不等，包伴菜，主菜同茶，主菜有9款揀，有熱有凍。另外可加錢要迷你蟹肉忌廉薯餅，咖啡或特飲。兩點半服務員就提last order。成份午餐一次過用個木盤上比你，都好豐富吓。三文魚油甘魚温泉蛋刺身丼 $198 另加一三文魚油甘魚各4大塊非常厚切，食落真係又肥美又有質感，中間一隻溫泉蛋，面頭撒上蔥花，蛋汁撈飯正。飯酸酸地好開胃，面頭仲有紫菜碎，冬菜同白芝麻粒，絕不單調。伴有酸薑同生磨日式芥末。辣味蔥吞拿魚腩蓉丼 $164 另加一辣味蔥吞拿魚腩蓉一大底，又滑又惹味，味道都真係頗辣，送飯食一流！蔥吞拿魚腩蓉面頭灑上黑白芝麻粒同紫菜碎，個飯同刺身丼飯一樣，有冬菜同白芝麻粒，我欣賞餐廳既細心加料。仲伴有脆口蘿蔔漬物3片，酸薑同生磨日式芥末。跟餐伴菜係魚肉腐皮同蒜蓉昆布，凍凍哋食都好開胃。跟餐茶係冷泡茶，茶香十足。食完成個餐，都覺得夠飽。