灣仔冰室 (已結業)

疫情轉眼又一年，每年團拜因限聚令一改再改，今日終於約在灣仔，大食jack 因為在灣仔上班，所以佢提議去佢食堂加埋有張贈送之小食券在手，今晚擺明係佢主場，見佢同伙記都幾熟下，坐低就送老火湯，今晚係菜乾湯，聽講話好多人特登來飲，先來小食，明太子雞翼，安格斯一口牛粒，都幾重本喎，好在唔係魚旦，燒賣，炸雞翼跟住點左個冰鎮咕嚕蝦球，鹽焗雞，枸杞豬膶，椒鹽鮮魷當然仲有我封大利是🧧，呢間餐廳6.00後專做晚飯小菜，真係無唸過冰室小菜會做得咁出色，小炒有煱氣，下次一定带皇太后來試