為食龍 (已結業)

星期日想搵間靚靚餐廳打卡,於是就嚟到為食龍,其實已經係二訪腐皮壽司:嚟到呢度人人都嗌嘅腐皮壽司,我地叫左牛油蒜香赤蝦、赤燒蟹膏厚燒玉子、炙燒洋蔥忌廉帶子、明太子芝士蛋黃三文魚,我特別鍾意帶子嗰一件,腐皮嘅甜味同佢好夾醬油蒜香炸雞:外皮香脆,蒜味滲曬入炸雞度,炸雞唔會炸到過老,醬油提供鹹香,重點係真係好大份牛油楓糖麻糬窩夫:平時嘅窩夫會比較硬,但可能因為參考咗格仔餅嘅做法,而且加咗麻糬,入面會好淋好煙韌,牛油同埋糖漿都好夾,唔會好膩柚子酒:呢間餐廳亦都有提供酒,呢款酒濃度唔高,好香柚子味,甜甜地嘅啱女仔飲