影片
更多
2018-02-17
73 浏览
我一直認為，食嘢要公道，價錢要同食物質素均等，先叫公道。去mcl睇戲，唔想食佢哋嘅熱狗，因為幾十蚊一個乾爭爭嘅包，有得揀嘅話都唔太想。剛好隔離有有呢間漢堡，咁就試下咯…除咗牛肉之外，仲有雞肉同素食，而牛肉有好多種選擇，辣辣哋嘅墨西哥~味道特別嘅松露，同傳統經典漢堡係我今次四人行所揀嘅~單層係$88蚊，雙層就要$118，不過第一次嚟食，都係揀$88試咗先，有伏都無咁傷。本來都想食完漢堡再嚟一件蛋糕，但原來食單層漢堡都好飽，唯有下次再試!揀咗一個蔬菜沙律，有一碗煙肉碎俾我加入沙律，不過我就另有食法!食漢堡加杯1664生啤，爽呀～主角到場!粗粗嘅薯條…唔係…應該係薯片至真!好吸引!唔同味道嘅飽其實外表差唔多，半溶嘅芝士同辣辣哋嘅墨西哥好夾好開胃，而松露就好香好濃郁!小朋友嘅經典都好唔錯，幾歲人仔好開胃，成個鯨吞了~薯片大部份都厚肉呀～介紹返，我就加咗10蚊要咗呢碗濃濃嘅芝士醬，點完之後再沾煙肉，保證好食!呢度坐得好舒適，完全唔侷促，最驚喜嘅係負責人好著重品質，特登問咗我哋好多意見，仲承諾一定會改善添，好有heart呀～
除咗牛肉之外，仲有雞肉同素食，而牛肉有好多種選擇，辣辣哋嘅墨西哥~味道特別嘅松露，同傳統經典漢堡係我今次四人行所揀嘅~
單層係$88蚊，雙層就要$118，不過第一次嚟食，都係揀$88試咗先，有伏都無咁傷。
本來都想食完漢堡再嚟一件蛋糕，但原來食單層漢堡都好飽，唯有下次再試!
揀咗一個蔬菜沙律，有一碗煙肉碎俾我加入沙律，不過我就另有食法!食漢堡加杯1664生啤，爽呀～
主角到場!粗粗嘅薯條…唔係…應該係薯片至真!好吸引!
唔同味道嘅飽其實外表差唔多，半溶嘅芝士同辣辣哋嘅墨西哥好夾好開胃，而松露就好香好濃郁!
小朋友嘅經典都好唔錯，幾歲人仔好開胃，成個鯨吞了~
薯片大部份都厚肉呀～
介紹返，我就加咗10蚊要咗呢碗濃濃嘅芝士醬，點完之後再沾煙肉，保證好食!
呢度坐得好舒適，完全唔侷促，最驚喜嘅係負責人好著重品質，特登問咗我哋好多意見，仲承諾一定會改善添，好有heart呀～
张贴
