点心代表 (已結業)

衝住小櫻主題而幫襯，一早心中都打左底呢類店多數都賣樣，味道多數都唔得。經過今次亦印證我呢個想法。基路仔奶黃包：包口感偏乾同硬左少少，流心效果ok，奶黃味道亦正常，但略嫌餡少左dd。但賣相的確十分之討好。黑松露蝦多士：黑松露多，但蝦多士本身味道一般，蝦還蝦，麵包還麵包咁，但夠脆身。小櫻漢堡包：麵包口感乾又硬亦唔似烘過唔脆口，唔係好食得出醬，醬可以多番d，咁可能救到塊乾爭爭既麵包。瑤柱螺肉糯米雞：應該係全餐最難食。瑤柱絲寥寥可數，真係要俾d眼力，螺肉就直頭搵唔到！餡亦唔好食，得碎肉片又冇肉汁，叮叮點心既糯米雞仲好食過佢！惟一可取係糯米，軟得黎又有d咬口。